Հանրային հեռուստաընկերությունը հաղորդագրություն է տարածել.
«Հարգելի՛ հեռուստադիտողներ,
Սեպտեմբերի 27-ին Հանրային հեռուստաընկերության եթերում հեռարձակված ժամանցային համերգը սխալ էր, և մենք ամբողջությամբ ընդունում ենք դրա պատասխանատվությունը։
Մենք չենք փորձելու տեղի ունեցածն արդարացնել ծրագրային, տեխնիկական կամ աշխատանքային հանգամանքներով։
Ներողություն ենք խնդրում կատարվածի համար։
Վերանայվում են համապատասխան աշխատանքային ընթացակարգերը՝ նման դեպքերի կրկնությունը բացառելու համար»։
Հիշեցնենք, որ երեկ՝ 44-օրյա պատերազմի տարելիցի օրը, Հանրային հեռուստաընկերությունով Թաթայի համերգն էր հեռարձակվել, ինչը քննադատությունների առիթ էր հանդիսացել։
