Բարգավաճամերձ շրջանակները Գագիկ Ծառուկյանի տան խուզարկության և վերջինիս ԱԱԾ հրավիրելու ֆոնին սկսել են տարածել մի տեղեկատվություն, որը լրիվ տեղավորվում է ԲՀԿ ձեռագրի և մարտավարության շրջանականերում։ Քաղաքացիներին կոչ են անում դուրս գալ փողոց, որի դիմաց խոստանում են մարել վարկերը։ Սա առաջին հայացքից շատ գրավիչ, բայց իրականում սնանկ և գաղափարազուրկ առաջարկ է, ասեմ` ինչու։
Քաղաքական դաշտի այս չստացված ռահվիրանը, որը ցանկացած իշխանության օրոք կարողացել է պայմանավորվել և գործել ըստ նախասիրությունների, այժմ այնքան էլ կոմֆորտ իրավիճակում չի գտնվում։ Իշխանությունների կողմից ժողովրդից թալանած գումարների և գույքի վերադարձին ուղղված կոնկրետ քայլերը Ծառուկյանին ստիպեցին գնալ ՎԱ ԲԱՆԿ։ Քաղաքացիներից տասնամյակներ շարունակ միլիարդավոր դրամների հարկեր թաքցրած և դրանց չնչին մասը քաղաքացիներին որպես բարեգործություն հրամցրած Գագիկ Ծառուկյանը հիմա էլ խոստանում է վարել բոլոր այն քաղաքացիների վարկերը, ովքեր դուրս կգան փողոց։ Փողի, կեղծիքի և պայմանավորվածություններով առաջնորդվող սույն պարոնը այդպես էլ չգիտակցեց, որ փողը պարտվում է գաղափարներին այնտեղ, որտեղ քաղաքացու շահերի կողքին կանգնած է լեգիտիմ իշխանությունը։ Ձեռնարկություններից ստիպողաբար փողոց լցված քաղաքացիների շարժառիթը ՇԵՖԻՑ մի բան քերելու ակնկալիքն է, իսկ Ժողովրդական իշխանությունների թիկունքին արդարության համար կանգնած քաղաքացին է, որը այլևս երբեք թույլ չի տալու օլիգարխների, քաղաքական դալալների, ծրարով վարձատրվող պատգամավորների և փողով ժողովրդին առնելուն ուղղված մանիպուլյացիաներ։
Հայաստանի Հանրապետությունում կա լեգիտիմ իշխանություն, որը իրականացնում է այն քաղաքականությունը, որի համար ստացել է 70 և ավելի տոկոս ձայն։
ՀԳ/ միլիարդավոր դրամների չարաշահումներ, որոնք այսօր կարող էին լինել հիվանդանոցներ, դպրոցներ, ճանապարհներ, զենք..
