CivilNet |
Գլխավոր դատախազ Արթուր Դավթյանը հունիսի 15-ին միջնորդությամբ դիմել է Ազգային ժողով՝ ԲՀԿ խմբակցության ղեկավար Գագիկ Ծառուկյանին կալանավորելու հարցով պատգամավորների թույլտվությունը ստանալու համար։ Ինը էջանոց միջնորդությամբ դատախազը ներկայացրել է ԲՀԿ կողմից 2017-ի խորհրդարանական ընտրություններում համակարգված կաշառք բաժանելու դեպքերն ու քրգործի մանրամասները։ Սիվիլնեթն առանձնացրել է հինգ կետ.
1․ Պարզվում է՝ ԲՀԿ կողմից ընտրություններում կաշառք բաժանելու ենթադրյալ դեպքի մասին ԱԱԾ-ն իմացել է այն ժամանակ, երբ քննել է Քաղաքաշինության կոմիտեի նախկին նախագահ Վահագն Վերմիշյանի քրեական գործը։ Վերմիշյանը մեղադրվում է պաշտոնեական լիազորությունները չարաշահելու և կաշառք ստանալու մեջ։ Ըստ միջնորդության՝ այս գործով խուզարկություն է եղել «Երևան շին» ՓԲԸ-ում, որի նախագահը ցանկացել է ստանալ «վաստակավոր շինարար» կոչումն ու կաշառք տվել Վերմիշյանին։ Խուզարկության ընթացքում «Երևան շինի»-ի գրասենյակից գտնվել են 2017 -ի ընտրություններում ԲՀԿ-ի հաշվետվությունները, ծախսերը և այլն։
2. Ընկերության տնօրեն Վազգեն Գալստյանն իր ցուցմունքում հայտնել է, որ Ծառուկյանից առաջարկ է ստացել Գեղարքունիքում մասնակցել ընտրություններին՝ պայմանով, որ պիտի ապահովի 9000 ձայն։ Ֆինանսական հարցերը հստակեցրել է Ծառուկյանի բիզնեսների կառավարիչ Սեդրակ Առուստամյանի ու ԲՀԿ-ական Աբրահամ Մանուկյանի հետ։ Կանխիկ ստացել է 90 միլիոն դրամ և դա բաժանել տեղի ԲՀԿ-ականներին՝ ընտրողներին բաժանելու նպատակով։
Ամբողջական հոդվածը՝ սկզբնաղբյուրում:
