Օլիմպիական խաղերի բրոնզե մեդալակիր Ռոման Ամոյանը ԱԺ-ի մոտից բերման ենթարկվեց

Ազգային ժողովի դիմաց այսօր բողոքի ակցիա էր իրականացնում նաեւ հունահռոմեական ոճի նախկին ըմբիշ Ռոման Ամոյանը, որին ոստիկանները բերման ենթարկեցին:

Մինչ բերման ենթարկվելը Ամոյանը ընդդիմացավ ոստիկանների պահանջներին, եւ քաշքշուկ տեղի ունեցավ: Խառնվեցին մեծ թվով ոստիկաններ, այդ թվում՝ Երեւանի փոխոստիկանապետ Արթուր Խուդինյանը: Ի վերջո ուժ կիրառելով՝ նրանք Ամոյանին հեռացրին ԱԺ տարածքից:

Նշենք, որ Ամոյանը Պեկինի ամառային օլիմպիական խաղերի 2008 թվականի բրոնզե մեդալակիր է:

Ազգային ժողովի դահլիճում այս պահին պատգամավորները քննարկում են ԲՀԿ առաջնորդ Գագիկ Ծառուկյանին անձեռնմխելիությունից զրկելու ՀՀ գլխավոր դատախազի միջնորդությունը, որից հետո տեղի է ունենալու քվեարկություն: