ԱԺ «Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում գրել է.
Նախորդ տարի մարտ ամսին սկսեցի մի նախաձեռնություն, որն ի սկզբանե տեսականորեն գիտեի, սակայն պրակտիկայում այնքան էլ չէի պատկերացնում, որ լուրջ, բարդ, ժամանակատար, աշխատատար գործընթաց է լինելու։ Մեկ տարվա ընթացքում մեկ խորհրդարանական մասնակցային լսում, տարատեսակ ֆոկուսխմբային հանդիպումներ, կարծիքների բախում և ահա, խնդրեմ, վերջապես այն պատրաստ է և դրվել է շրջանառության մեջ.
ԱԺ պատգամավորներ Մխիթար Հայրապետյանի, Վահագն Թևոսյանի, Արթուր Մանուկյանի և Արման Եղոյանի հետ միասին շրջանառության մեջ ենք դրել «Կինեմատոգրաֆիայի մասին» ՀՀ օրենքի նախագիծը։ Շատերի համար ոչ իրատեսական, սակայն այլևս իրականություն դարձած ու երկար ժամանակ քննարկված նախագիծը, որի ստեղծման գործընթացում մեծ ջանք, եռանդ, միջազգային փորձ ու իրենց պրոֆեսիոնալիզմն են ներդրել ոլորտի առաջատար, ինչպես նաև երիտասարդ, ռեֆորմների պատրաստ կարող ուժեր։
Նրանց մասին կխոսենք հաջորդիվ, ավելի ուշ։
https://www.facebook.com/photo.php?fbid=10219464890105409&set=a.10202101615354392&type=3&theater
