ԲՀԿ առաջնորդ Գագիկ Ծառուկյանը քիչ առաջ դուրս եկավ ԱԱԾ շենքից. բակում հավաքված քաղաքացիները նրան ընդունեցին ծափահարություններով:
Ծառուկյանը կարճ զրույց ունեցավ լրագրողների հետ ասելով՝. «Ոչ մի հիմնավորում չկա, շինծու գործ է»: Լրագրողներից մեկի հարցին՝ իր դեմ ցուցմունք կա, Ծառուկյանը բացասական պատասխան տվեց. «Համապատասխան կհարցնենք իրավապահ մարմինների, որեւիցե մի բան իմ հետ կապված չկա, որեւիցե խնդիր չկա, կառավարման հետ ես կապ չունեմ, կան կառավարիչներ, եթե բան կա ասելու, թող գան առերեսման, շատ շինծու գործ է, դատարանում կքննվի, կտեսնենք»:
Ծառուկյանը հայտարարեց, որ ինքը դիվիդենտներ հավաքելու խնդիր չունի, եւ ով դրա մասին է մտածում, ուրեմն դավաճան է:
