ՀՀ վարչապետ Նիկոլ Փաշինյանը ԲՀԿ-ի կողմից խորհրդարանական ընտրություններում ընտրակաշառք բաժանելու վերաբերյալ քրեական գործը համարում է Հայաստանի 3-րդ հանրապետությունում քննվող ամենակարևոր գործերից մեկը: Այս մասին Փաշինյանն ասաց ԱԺ-ում կառավարության հետ հարցուպատասխանի ընթացքում:
«Քննվում է Երրորդ հանրապետության պատմության ամենակարևոր գործերից մեկը, որովհետև ժողովրդի կամքի վրա բռնանալու համակարգված ինստիտուտ է բացահայտվում»,- նշեց Փաշինյանը:
«Նախկին իշխանությունն այս քրեական գործերը պահել է այս ուժերին վերահսկողության տակ պահելու համար, որովհետև լեգիտիմության խնդիր է եղել: Մեր իշխանությունն այդպիսի խնդիր չունի: Մեր իշխանությունը քրեական գործերով քաղաքական ուժերին վերահսկողության տակ պահելու խնդիր չունի»,- հավատացրեց վարչապետը:
