Երևանի ավագանու «Իմ քայլը» խմբակցության անդամ Գրիգոր Երիցյանը ֆեյսբուքյան իր էջում գրել է.
Մի քանի տեղեկություն նրանց համար, ովքեր ցնցված են ԵԺԿ հայտարարությունից, որտեղ այն մտահոգվում է Հայաստանում «ժողովրդավարական հետընթացով»։
- Հանրապետական կուսակցությունը Եվրոպական Ժողովրդական կուսակցության (ԵԺԿ) անդամ է։
- 2017-ի խայտառակ ընտրություններից հետո ԵԺԿ-ն շնորհավորում է ՀՀԿ-ին խորհրդարանական ընտրություններում տարած հաղթանակի կապակցությամբ:
- 2018-ի ապրիլին, երբ եվրոպական կառույցները կոչ են անում ՀՀ նախկին իշխանություններին ցուցաբերել զսպվածություն, քննադատում են բռնությունը ցուցարարների նկատմամբ, ԵԺԿ-ն լռում է։
- Հեղափոխության հաջողությունից ու Հայաստանում իշխանության փոփոխությունից հետո ԵԺԿ-ն նույնպես լռում է։
- 2018-ի դեկտեմբերին կայացած՝ ՀՀ պատմության մեջ ամենաազատ և արդար ընտրությունները և ընտրական գործընթացը քննադատվում են ԵԺԿ կողմից` «ընդդիմության նկատմամբ քաղաքական ոտնձգությունների համար»։
- 2018-ի ընտրություններից 3 օր առաջ՝ դեկտեմբերի 6-ին, ԵԺԿ այն ժամանակվա նախագահ Ժոզեֆ Դոլը իր աջակցությունն է հայտնում ՀՀԿ-ին՝ հաջողություն մաղթելով ընտրություններին։
- 2019-ի նոյեմբերին՝ հեղափոխությունից հետո առաջին անգամ, Սերժ Սարգսյանը Խորվաթիայում ԵԺԿ-ի ամբիոնից խոսում է հայ հանրության հետ՝ քննադատելով Հայաստանի գործող իշխանություններին իր համար շատ հարմար ֆորմատով։
- Մինչև ԵԺԿ-ն նախագահելը Դոնալդ Տուսկը ԵՄ խորհրդի նախագահն էր, 2019-ին այցելեց Երևան, ողջունեց կառավարության կողմից իրականացվող բարեփոխումները, ԵՄ-ն կրկնապատկեց 2019 թվականին աջակցությունը Հայաստանին։
- Մինչև ԵԺԿ նախագահ դառնալը Դոնալդ Տուսկը հայտարարել է, որ հեղափոխությունից հետո Հայաստանի դրական դինամիկան նոր հնարավորություններ է ստեղծում ԵՄ-Հայաստան համագործակցության համար: ԵԺԿ նախագահ դառնալուց հետո Տուսկի կարծիքն ու հռետորաբանությունը փոխվել են։
- 2020-ի հունիսի 17-ին Սերժ Սարգսյանը կրկին օգտագործում է իր համար ամենահարմարավետ ԵԺԿ հարթակը՝ հայ հանրության հետ խոսելու և իշխանություններին քննադատելու համար։
