Երևանի ընդհանուր իրավասության դատարանի Շենգավիթի նստավայրում, նախագահությամբ Աննա Դանիբեկյանի, ընթանում է Սերժ Սարգսյանի եղբորորդու՝ Հայկ Սարգսյանի գործով դատական նիստը։ Դատավորը հայտարարեց՝ դատաքննությունն ավարտված է, անցնում են դատական վիճաբանությունների փուլ, տեղեկացնում է factor.am-ը:
Մեղադրական ճառով հանդես եկավ դատախազը։ Նա պահանջեց Հայկ Սարգսյանին դատապարտել 7 տարվա ազատազրկման։ Նա մեղադրվում է 11 տարի առաջ տեղի ունեցած հանցագործության՝ սպանության փորձի և ապօրինի կերպով զենք-զինամթերք պահելու համար: Նրան մեղադրանք է առաջադրվել ՀՀ ՔՕ 34-104-րդ հոդվածի 1-ին (սպանության փորձ) մասի և 235-րդ հոդվածի 1-ին մասի (զենք-զինամթերք ձեռք բերելու և պահելը) հատկանիշներով։
Տեսանյութը՝ factor.am
