Արդարադատության նախարար Ռուստամ Բադասյանը Սահմանադրական դատարանի վերաբերյալ իշխանությունների հարցադրումներին Վենետիկի հանձնաժողովի պատասխանը բավական բալանսավորված է համարում:
«Արմենպրես»–ի փոխանցմամբ՝ այս մասին Բադասյանն ասաց Ազգային ժողովում ի պատասխան խորհրդարանի փոխխոսնակ Ալեն Սիմոնյանի այն դիտարկմանը, թե ընդդիմադիր որոշ գործիչներ նշում են, որ Վենետիկի հանձնաժողովը իրավունքը ծառայեցրել է Հայաստանի իշխանություններին քաղաքական նպատակներին:
«Վենետիկի հանձնաժողովի կարծիքը բավական բալանսավորված է, հիմնված է իրավունքի ընդհանուր սկզբունքների վրա: Վենետիկի հանձաժողովի նման հեղինակավոր կառույցը չի կարող որևէ կերպ ու որևէ դեպքում իր հեղինակությունն ու իրավունքի սկզբունքները մի կողմ դնել և որևէ երկրի ու որևէ իշխանության համար հարմար տարբերակ մատուցել»,- ասաց Բադասյանը:
Ազգային ժողովի արտահերթ նիստում քննարկվում է «Իմ քայլը» խմբակցության 50-ից ավելի պատգամավորների ներկայացրած օրենքի նախագիծը, ըստ որի՝ մինչև Սահմանադրության 7-րդ գլխի ուժի մեջ մտնելը նշանակված և Սահմանադրական դատարանի անդամի կամ դատավորի պաշտոնում ընդհանուր տևողությամբ ոչ պակաս, քան 12 տարի պաշտոնավարած Սահմանադրական դատարանի անդամի (դատավորի) լիազորությունների ժամկետը համարվում է ավարտված և պաշտոնավարումը դադարում է:
Մանրամասները՝ սկզբնաղբյուրում: