Տարիներ շարունակ ժողովրդին հրամցվել էր, որ մենք պատերազմող երկիր ենք և սոցիալական դժվարությունները պետք է անտրտունջ հաղթահարենք, քանի որ բոլոր միջոցները ուղղվում են դեպի պաշտպանական բանակ։ Ապրիլյան քառօրյան լավագույնս արտացոլեց, որ միջոցները ուղղված էին ոչ թե բանակը զինելուն, այլ մի խումբ հարստահարիչների գրպաններ, ովքեր հպարտությամբ են հիշատակում գերժամանակակից սպառազինությամբ մինչև ատամները զինված թշնամուն ետ շպրտած 18-ամյա հերոսներին։
Եվ, քանի որ վերջին օրերին այս թեմայով շահարկումները պարբերաբար հայտնվում են լրատվամիջոցների ուշադրության կենտրոնում, փորձեցինք հասկանալ՝ ինչպիսի բարելավումներ են կատարվել Զինված ուժերում։
Այսպիսով՝ Կառավարության որոշմամբ 2019թ. հունիսի 1-ից Հայոց բանակի զինծառայողների ամսական աշխատավարձը բարձրացվել է։Պաշտպանության ոլորտին ուղղված ծախսերը 2019թ․ ավելացել են շուրջ 26 տոկոսով՝ կազմելով 313,2 մլրդ դրամ՝ նախորդ տարվա 247,8 մլրդ դրամի դիմաց։ Զորամասերի ճնշող մեծամասնությունում (80 տոկոսում) իրականացվում է սննդի մատուցման ծառայություն։ Կատարվում է մարտական հերթապահություն իրականացնող ժամկետային զինծառայողներին պայմանագրայիններով փոխարինման գործընթաց։ Առաջնագծում տեղադրվել են թվով 23 նոր մարտական դիրքեր։ Սահմանի երկայնքով տեղադրվել են 216 ժամանակակից տեսադիտարկման սարքեր։
Համապատասխան որոշմամբ՝ այսուհետ ամեն տարի 500 պայմանագրային զինծառայողների կտրամադրվեն անտոկոս հիփոթեքային վարկեր և մայր գումարի 10 տոկոսը կփոխհատուցվի պետության կողմից։ Ամբողջությամբ կփոխհատուցվեն պայմանագրային զինծառայողների և սպայական անձնակազմի ընտանիքների անդամների բարդ և թանկարժեք բուժօգնության, մասնավորապես՝ սրտի, գլխուղեղի և այլ 16 վիրահատությունների ծախսերը։
Չընդլայնվելով նոր սպառազինության ձեռք բերման մասով՝ նշենք, որ ընդլայնվել է սպառազինությունների քանակը՝ շեշտը դնելով խոցման հեռահարության և բարձրության վրա։ Շատ խոսուն է, որ այս թեմայով օրերս իր դժգոհությունն է արտահայտել Ադրբեջանի պաշտպանության նախարար Զաքիր Հասանովը։ «Ինձ ոչ ոք չպատասխանեց, թե ինչպես, բայց հայերն իրենց հովանավորների շնորհիվ, ԱՄՆ-ից գնել են ռազմական նշանակության արտադրանք, ու տեղադրել են այդ համակարգերը առաջնագծի երկայնքով»,- ասել է վերջինս CBC TV-ին։
Քրիստինե Հովսեփյան
