Երևան քաղաքի ավագանին այսօր՝ հունիսի 24-ին, քննարկում է Երևան համայնքի վարչական տարածքում շրջիկ առևտրի կետերին ներկայացվող պահանջները, պայմանները, շրջիկ առևտրի իրականացման թույլատրելի վայրերը, դրանց տրամադրման (հատկացման) կարգը, ժամկետները, պայմանները և գործունեության իրականացման ժամերը, ինչպես նաև վաճառվող ապրանքների կամ մատուցվող ծառայությունների չթույլատրվող տեսակները սահմանելու մասին հարցը։
Ելույթի ընթացքում«Իմ քայլը» խմբակցության անդամ Իզաբելլա Աբգարյանն անդրադարձավ նաև քաղաքի հատկապես նեղ փողոցներում կայանած և վաճառքի հանված մեքենաների խնդրին։
«Տերերը կանգանցնում են մեքենան, թողնում ու հեռանում: Դա արդեն նաև անվտանգության խնդիր է քաղաքի համար։ Նորմալ չէ, որ մարդը կայանի մեքենան և ապրի քաղաքի մյուս ծայրում՝ անտեր թողնելով իր մեքենան, վերջիվերջո մեքենա է, կարող է բռնկվել, կարող են այլ խնդիրներ լինել»,-հավելեց ավագանու անդամը։
Աբգարյանը կարևորեց նաև վերահսկողության տարբեր մեխանիզմներիի կիրառությունը:
