ՀՀ առողջապահության նախարար Արսեն Թորոսյանը քիչ առաջ՝ Կառավարության նիստի ժամանակ տեղեկացրեց, որ երեկ ևս վատ իմաստով ռեկորդային թիվ ենք ունեցել՝ կորոնավիրուսի 771 նոր դեպք։
«Հոսպիտալիզացիայի առումով վիճակը բարվոք է, առավոտյան 9-ի դրությամբ ունենք ընդամենը 51 քաղաքացի, որ կարիք ունի տեղափոխման կորոնավիրուսային հիվանդությամբ զբաղվող հիվանդանոցներ, և որոնցից ընդամենը երկուսն են գտնվում տանը։ Վերակենդանացման բաժանմունքներում մի քանի ազատ տեղեր կան, բայց դա շատ արագ է փոփոխվում։ Ունենք 502 ծանր, 113՝ ծայրահեղ ծանր վիճակում գտնվող պացիենտ․ թոքերի արհեստական օդափոխության սարքերին միացված է 42 հիվանդ»,- հավելեց նախարարը։
Նախարարի խոսքով՝ եթե նախկինում Երևանի առանձին շրջաններ էին հանդիսանում վիրուսի օջախ, ապա այժմ՝ ամբողջ Երևանը:
