26 թե՞ 27՝ օրվա հարցերի հարցը, որ դարձավ համացանցի հիթը՝ ինչպես ընդունված է այսօր ասել։ Ճիշտ է «իրավաբանական հանրույթի» տիրույթում է գլուխկոտրուկի վերջնական լուծումը, բայց դե այդ նույն հանրույթի «ինտելիգենտ» հատվածն էլ հիմնավոր իմացածի մասով մեկնաբաննություններ իրեն կարող է թույլ տալ։ Չնայած, ոմանց համար «ինտելիգենտ», ոմանց համար էլ՝ իշխանությունների թելը թելող առանձնյակներ։
Ինչևէ, էնքան հարցը չարչրկվեց, որ գործին խառնվեց հենց ինքը՝ Բարձրագույն որակավորման կոմիտեի նախագահ Սմբատ Գոգյանը։ «Մի քիչ մաթեմ մաթեմ իմացողից»,- համեստաբար գրել է նա՝ նկատելով, որ չի կարելի 132-ի 1/5 մասը հաշվել ու հետո մարդաքանակը սկսել կլորացնել։
Սմբատ Գոգյանի արձանագրությունը վիճարկելը մի քիչ տրամաբանական չէ, սակայն ներկայիս իրողություններում ոչ մի բան էլ բացառված չէ, քանզի նեղ անձնական շահերն այլ բան են թելադրում։ Ու եթե, այդուամենայնիվ, «խայտառակ» բացահայտում կատարենք ու պարզվի, որ 26-ը հավասար է 27-ի, ապա ազգովի պարտադրված կլինենք 4-րդ դասարանի մաթեմատիկայի քննություն հանձնել՝ թվաբանական գիտելիքների անբավարարության պատճառով։
Քրիստինե Հովսեփյան
