Երեկ Արժույթի միջազգային հիմնադրամը իր հերթական կանխատեսումը հրապարակեց, որն ավելի վատատեսական էր, քան՝ ապրիլի կանխատեսման ժամանակ։
Մամուլի ասուլիսի ժամանակ հայտարարեց տնտեսագետ Վահագն Խաչատրյանը՝ հավելելով, որ ապրիլին կանխատեսում էին 4.9 տոկոս համաշխարհային տնտեսության անկում, այս պահին արդեն 5.5 տոկոս են կանխատեսում։
«Հայաստանի Հանրապետությունում դեռեւս շարունակվում է արդյունաբերության աճ՝ 2.4 տոկոս հունվար-մայիս ամիսներին։ Բյուջետային մուտքերը նախորդ տարվա հունվար-մայիսի բյուջետային մուտքերի համեմատ՝ 2 մլրդ դրամով ավելի են հավաքագրվել։ Այսինքն դեռեւս տնտեսությունն ի վիճակի է աշխատել եւ հարկեր վճարել»,- նշեց տնտեսագետը։
Նա մտահոգիչ համարեց շինարարության ծավալների նվազման միտումը. «Եթե հիմա կապիտալ ծախսեր կատարողներն ավելի ակտիվ աշխատեն, հնարավորություն կունենանք այս թիվը փոխելու։ Մենք պոտենցիալ ունենք շինարարության մեջ»։
Անդրադառնալով արտաքին ապրանքաշրջանառությանը Խաչատրյանը նշեց՝ ճիշտ է կրճատում է տեղի ունեցել 11.2 տոկոսի չափով, սակայն արտահանումն ավելի քիչ է կրճատվել, քան ներմուծումը՝ ինչ դրական է։
Ամբողջական նյութը՝ armtimes.com
