Ժամը 23:32-ի դրությամբ Ծիծեռնակաբերդի հարակից հատվածում՝ Մարզահամերգային համալիրի տարածքում բռնկված հրդհը մեկուսացված է: Սակայն դեռ կան ծխացող օջախներ: Այս մասին լրագրողների հետ զրույցում ասաց հրդեհի վայրում գտնվող ՀՀ ԱԻ նախարար Ֆելիքս Ցոլակյանը:
Հրդեհաշիջման աշխատանքներում ընդգրկված է 14 հրշեջ մեքենա, Երևանի քաղաքապետարանին պատկանող 10 ջրցան, դեպքի վայրում աշխատում է 120 հրշեջ-փրկարար:
Հրդեհը մեկուսացվել է, սակայն, ըստ ԱԻ նախարար Ֆելիքս Ցոլակյանի, կսահմանվի հերթապահություն՝ հրդեհի կրկնությունը բացառելու նպատակով: Տարածքում դեռ մխացող օջախներ կան, դրանք հիմնականում այրված ծառերի կոճղերն են, որոնց փրկարարները հանգցնում են մեկ առ մեկ:
Դեպքի վայրում են նաև ՀՀ ԿԳՄՍ նախարար Արայիկ Հարությունյանը, Երևանի քաղաքապետ Հայկ Մարությանն ու ալք:
Հունիսի 26-ին ժամը 21:00-ի սահմաններում Ծիծեռնակաբերդի հուշահամալիրին հարող տարածքում խոշոր հրդեհ էր բռնկվել:
