MIMO Bike-հեծանվային նոր մշակույթ Երևանում

«MIMO Bike»` արդեն հարազատ դարձած անուն Երևանի հեծանվասեր հասարակության համար։ Այն, որ հեծանվային մշակույթը վաղուց մեծ տարածում ունի ամբողջ աշխարհում, գաղտնիք չէ։ Մի խումբ ակտիվ երիտասարդներ փորձում են այս գեղեցիկ և առողջարար սովորույթը տարածել նաև մեզանում, ինչը կնպաստի մայրաքաղաքում ավտոտրանպորտային խցանումների և արդյունքում՝ օդի աղտոտվածության կրճատմանը և առողջ ապրելակերպի տարածմանը։ Այդ նպատակով ստեղծվել է հեռախոսային հատուկ հավելված, որը հնարավորություն է տալիս օրվա ցանկացած ժամի քաղաքի տարբեր հատվածներում կայանված հեծանիվները կիսել մեր համաքաղաքացիների հետ։ Ընդ որում, ուսանողների համար գործում են հատուկ զեղչեր։ Դե ինչ, բարի և անխափան երթ մաղթենք MIMO հեծանիվներին, իսկ երևանցիներին՝ առողջ ապրելակերպ և հոգատարություն մեր երկաթե բարեկամների նկատմամբ։
Լուսանկարները՝ ֆեյսբուքյան Yerevan Yerevanciner/Երևան Երևանցիներ էջից։