ՄԱԿ-ի զեկույց՝ 2027թ-ին Հնդկաստանը բնակչության թվով կգերազանցի Չինաստանին, ՀՀ բնակչության թիվը կնվազի

ՄԱԿ-ի՝ «Մոլորակի բնակչության հեռանկարները-2019» զեկույցի համաձայն՝ առաջիկա տասնամյակում Հնդկաստանը բնակչության թվով կգերազանցի Չինաստանին։ Այս երկու երկրները, որ կազմում են Երկրի 7,7 մլրդ բնակչության 37%-ը, ունեն համապատասխանաբար 1,3 և 1,4 մլրդ բնակչություն։ Զեկույցում նշվում է, որ այս պատկերը մինչև 2027թ-ը կփոխվի, իսկ 2050թ-ին տարբերությունն էականորեն կընդլայնվի։ Գլխավոր պատճառներից մեկը Չինաստանի վարած՝ «Մեկ ընտանիք-մեկ երեխա» ժողովրդագրական քաղաքականությունն է։ Ընդհանուր առմամբ, 2050թ-ին մոլորակի բնակչության կանխատեսումային թիվը կազմում է 9,7 մլրդ՝ 2050թ-ի 2,6 մլրդ-ի փոխարեն։ Զեկույցից անմասն չի մնացել նաև մեր հանրապետությունը։ Կանխատեսվում է, որ ՀՀ բնակչության թիվը մինչև 2050թ-ը ներկայիս 2,9 մլն-ից կնվազի 2,7 մլն։