Այսօր ԱԺ-Կառավարություն հարցուպատասխանի ժամանակ ԲՀԿ խմբակցության պատգամավոր Հրանտ Մադաթյանը ՀՀ վարչապետ Նիկոլ Փաշինյանից հարց է ուղղել, թե 2019 թվականին ինչ միջոցներ են ձեռնարկել զբոսաշրջությունը զարգացնելու համար, հաշվի առնելով այն փաստը նաև, որ կառավարությունը զբոսաշրջությունը զարգացման գերակա ուղղություն է հայտարարել։ Ի պատասղան Փաշինյանը նծել է, որ 2018 թվականին զբոսաշրջությունը հայաստանում աճել է 17 տոկոսով, իսկ այս տարվա առային եռամսյակին 5,3 տոկոսով, թեև դեռ զբոսաշրջիկների այցի սեզոնի թեժ ժամանակը չէ։
«Զբոսաշրջային պիկը նոր է սկսվում, եւ հիմքեր կան ենթադրելու, որ ընթացիկ շրջանում մեծ ծավալներ կունենա զբոսաշրջությունը։ Այսօր ԱԺ դահլիճից ԿԲ նախագահը հայտարարել է, որ այս տարվա վեց ամիսներին ԿԲ-ն պահուստավորել է 131 մլն դոլար։ Մինչեւ ԿԲ նախագահը հասել է բանկ, դոլարի թիվը հասել է 154 մլն, սա նշանակում է, այդ ծավալի հավելյալ արտարժույթ է մտնում երկիր եւ սա աննախադեպ ցուցանիշ է»,- ասացել է վարչապետը։ Ըստ նրա՝ ոլորտի զարգացման առաջին նախապայմանը երկրի պոզիտիվ իմիջն է, եւ, ըստ նրա՝ այս կառավարությունը շատ բան արել է այդ ուղղությամբ։
«Հիմա զբոսաշրջիկի կոմֆորտն ապահովելու համար ծրագրեր են իրականացվում: Նաեւ վարկային ծրագիր կա Զբոսաշրջության կոմիտեի համար, որը ենթակառուցվածքների զարգացմանն է վերաբերում, եւ այդ հավերժական պրոբլեմով հիմա մենք լուրջ զբաղվում ենք»։
Այն հարցին, թե արդյոք այս ոլորտով զբաղվողներին հարկային դաշտի թեթեւացում կտրվի, Փաշինյանը պատասխանեց․ «Երբ ասում եմ՝ 154 մլն դոլար, այսինքն, հավելյալ դոլար է հայտնվել շրջանառության մեջ։ Բանկային տոկոսադրույքներն էլ նվազում են։ Որեւէ ոլորտ զարգացնելու համար պետք չէ հարկային արտոնություն տալ։ Երեւանի ռեստորաններն այսօր լեփ-լեցուն են, եւ Հարկային օրենսգրքով նախատեսված էր, որ շատ ավելի բարձր լինի հարկը, մինչդեռ որոշվեց, որ հարկերը պահեն այն մակարդակի վրա, ինչ հիմա կա։ Դա էլ է արտոնություն, եւ այդ ոլորտում պրոբլեմ չկա։ Հիմա Հարկային օրենսգիրք ենք ընդունում, եւ դրանով շատ լուրջ թեթեւացում է նախատեսվում, դա նպաստելու է ոլորտի զարգացմանը, բայց կարեւոր է, որ հայտնվեն եւ շրջանառվեն գումարներ» մեջբերման վերջ։
08:54
Մարտ 15, 2026
