Ամերիկահայ հեռուստատեսային դեմք, մոդել և դերասանուհի, աշխարհահռչակ Քիմ Քարդաշյանը ֆեյսբուքյան իր էջում տեղեկացրել է, որ Հայաստանի աջակցության հիմնադրամը նախաձեռնել է դրամահավաք՝ օգնելու COVID-19-ից տուժած հայաստանյան փոքր բիզնեսներին:
Քիմի կարծիքով՝ ֆինանսական օգնությունը ոչ բոլոր դեպքերում է հասանելի փոքր բիզնեսներին, արդյունքում հայաստանյան մի շարք փոքր և հատկապես ընտանեկան բիզնեսները հաղորդում են իրենց արտադրության՝ շուրջ 90%-ով նվազման և աշխատատեղերի կրճատման մասին:
