«Հայփոստ» ՓԲԸ-ի գլխավոր տնօրեն է նշանակվել Հայկ Կարապետյանը

Նախօրեին՝ հուլիսի  6-ին, «Հայփոստ» ՓԲԸ դիտորդ խորհրդի նիստին կայացած մրցույթի արդյունքներով՝ «Հայփոստ» ՓԲԸ գլխավոր տնօրենի պաշտոնում միաձայն ընտրվել և նշանակվել է Հայկ Կարապետյանը: Այս մասին տեղեկացրել է «Հայփոստ» ընկերությունը:

Հաղորդագրության մեջ նշվում է, որ Հայկ Կարապետյանը սույն թվականի ապրիլի 20-ից իրականացրել է «Հայփոստ» ՓԲԸ գլխավոր տնօրենի պարտականությունները որպես ժամանակավոր պաշտոնակատար: Նաև ներկայացված են Հայկ Կարապետյանի կենսագրական տվյալները:

Աշխատանքային փորձ

2019թ. հուլիս — 2020 թ. ապրիլ՝ Round Bank («Բանկ Ռաունդ» ՍՊԸ) ք․ Մոսկվա, պրոդուկտների գծով տնօրեն, տնօրենների խորհրդի անդամ:

2016թ. օգոստոս  —2019թ.  հունվար՝ Beeline VEON GROUP («ՎԵՈՆ Արմենիա»  ՓԲԸ) ք․ Երևան, կոմերցիոն տնօրեն:

2014թ. հոկտեմբեր —2016թ.  օգոստոս՝ MEGAFON («ՄեգաՖոն» ՀԲԸ), ք․ Մոսկվա, ֆինանսական ծառայությունների գծով տնօրեն:

2011թ. հոկտեմբեր —2014թ.  սեպտեմբեր՝ MEGAFON («ՄեգաՖոն» ՀԲԸ), ք․ Մոսկվա, մանրածախ ֆինանսական պրոդուկտների գծով ղեկավար:

2010թ. օգոստոս – 2011 թ. սեպտեմբեր՝ MTT, Multiregional Transit Telecom, (Միջտարածաշրջանային ՏրանզիտՏելեկոմ ԲԲԸ), ք․ Մոսկվա, Ինտերնետային բիզնեսի նախագծերի բաժնի տնօրեն:

2008թ. օգոստոս – 2010 թ. օգոստոս՝ Viva-Cell MTS ՄՏՍ Հայաստան («Ղ-Տելեկոմ» ՓԲԸ), ք․ Երևան, առաքման ուղիների գծով ավագ  համակարգող:

2007թ. մայիս – 2008 թ. օգոստոս՝ Qiwi (Qiwi-Հայաստան) Երևան, տնօրեն:

2006թ․ հուլիս – 2007 թ.մայիս՝ Երևանի քաղաքապետարանի ներկայացուցչությունը Մոսկվայում, հատուկ նախագծերի գծով ներկայացուցչության ղեկավարի տեղակալ:

Կրթություն

Ն.Է. Բաումանի անվան Մոսկվայի Պետական Տեխնիկական Համալսարան, Ինֆորմատիկայի և կառավարման համակարգերի ինժեներ մասնագիտությամբ: