Երևանի ընդհանուր իրավասության դատարանը՝ նախագահությամբ դատավոր Աննա Դանիբեկյանի, մերժեց ՀՀ երկրորդ նախագահ Ռոբերտ Քոչարյանի և մյուսների գործով մեղադրող կողմի ներկայացրած միջնորդությունը։
Լսելով նրանց և տեղում խորհրդակցելով՝ դատավորը արձանագրեց, որ պաշտպանների՝ մեղադրողների կողմից հիշատակված վարքագիծը դատարանի կողմից գնահատվել է ոչ իրավաչափ, կիրառվել են սանկցիաներ: Նա շեշտեց, որ նույնիսկ այդպիսի ոչ իրավաչափ վարքագիծը չի կարող հիմք հանդիսանալ դատական գործի նախապատրաստական ենթափուլն ու միջնորդություններ ներկայացնելու հնարավորությունը սահմանափակելու համար, քանի որ նման կարգավորում առկա չէ ՀՀ քրեական դատավարության օրենսգրքում:
Հիշեցնենք` դատախազները միջնորդել էին սահմանափակել պաշտպանական կողմի՝ տարբեր տեսակի միջնորդություններ ներկայացնելու դատավարական իրավունքը։
Դատավորը հաջորդ նիստը նշանակեց հուլիսի 14-ին:
