Էլմար Մամեդյարովը «հեռավար» աշխատանքի էր անցել

Պարզվում է` Ադրբեջանի կրած անհաջողությունների պատճառը ԱԳ նախարար Մամեդյարովն է եղել, քանի որ, ըստ նախագահ Իլհամ Ալիևի, «դիվանագիտությունը պետք է լինի հարձակվող, ոչ թե՝ պասիվ ու պաշտպանվող»։

«Բոլորն առավոտից իրիկուն աշխատանքի վայրում են՝ ես, ԳՇ պետը, Պաշտպանության նախարարը։ Ես չկարողացա գտնել Էլմար Մամեդյարովին»,- կառավարության նիստի ժամանակ մանրամասնել է Ալիևը։

Պարզվել է՝ Մամեդյարովը «հեռավար» աշխատանքի է անցել, էն դեպքում, երբ երկրի դիվանագիտությունը «կաղում է», երբ Հայաստանի վարչապետը ասում է՝ «Արցախը Հայաստան է ու վերջ», իսկ ադրբեջանական ԱԳՆ-ն լռում է։ Ու ստիպված հակադարձելու պատասխանատվությունը իր վրա վերցնում հենց ինքը՝ Իլհամ Ալիևը։

Ադրբեջանի նախագահի համար արդեն ամեն ինչ ակնհայտ է, բայց ավելին չի ուզում խորանալ։ «Ամեն դեպքում թող բոլորը իմանան, թե ինչ պատկեր է, որ ճիշտ քայլեր արվեն»,- հանգուցալուծել է Ալիևը։

Քրիստինե Հովսեփյան