Ալիևը հայտարարում է, որ իրենց հատուկ չեն կեղտոտ մեթոդները, ստերն ու զրպարտությունները, բայց արի ու տես, որ Ադրբեջանում ստում են բոլորը՝ նախագահից մինչև ստորին չինովնիկ, լրատվությունն ու պատկան մարմինները՝ փորձելով ժողովրդի շրջանում բորբոքել պատերազմելու ցանկությունն ու հայատացությունը։
Վերջին օրերին լրատվական դաշտը ոչ միայն հակահայկական գլխագրերով կեղծ լուրեր է տարածում, այլ որպես լրատվության աղբյուր վկայակոչում է ռազմաքաղաքական ղեկավարությանը։
Դիցուք՝ ադրբեջանական կայքը, «գոհունակությունը չթաքցնելով», հրապարակել է «Հայաստանում սկսվել է զինծառայություն անցած և հաշմանդամություն ստացած կամավորների հավաքագրումը» վերտառությամբ նյութ՝ նշելով, որ այդ մասին հայտնում է Ադրբեջանի պաշտպանության նախարարությունը։ Զավեշտալի, նաև խոսուն է, որ մի ամբողջ երկրի զինված ուժեր ստիպված է դիմել կեղծիքի ու ստի՝ թաքցնելու համար սեփական ապաշնորհությունը։ Ակնհայտ է՝ ռազմական ղեկավարությունը անհույս ջանքեր է գործադրում խարխլվող հեղինակությունը փրկելու և վերջին մարտական անհաջողությունները կոծկելու համար։
Ստելուց նույնիսկ չի կարմրում Ռուսաստանում Ադրբեջանի դեսպան Փոլանդ Բյուլբյուլօղլին, որ ռուս լրագրողներին, մատնանշելով Բաքվի ցույցերը, հավաստիացնում է, որ Ադրբեջանի բարձրաստիճան այրերը խաղաղության են ձգտում, բայց 10 միլիոն ադրբեջանցիները սպասել չեն ուզում, միայն պատերազմ են պահանջում…Էստեղ անհասկանալի է՝ Ալիևն է ստում՝ հայտարարելով ընդամենը 150 կամավորների մասին, թե՞ դեսպանը, ինչևէ…
Ինչպես ասում են՝ չենք վիճարկում, չենք կասկածում, չենք զարմանում։ Մեր աչքով տեսանք՝ ոնց էին թուրքական ծիրանը Մոսկվայում տրորում արյան ծարավ ձեր հայրենակիցները։ Տեսել ենք, վաղուց գիտենք՝ ձեր հերոսներն են մարդասպան ռամիլսաֆարովները, որ կեսգիշերին իրականացրած ոճրագործություններով են հերոսանում։
Քրիստինե Հովսեփյան
