Վերջին «հնչեղ» հաղորդագրությունից հետո ադրբեջանցի պատգամավորները Մարգարիտ Սիմոնյանին Ադրբեջանի քաղաքացիություն տալու առաջարկով են հանդես եկել։ Ինչպես ասում են՝ վատ հայը շատ լավ ադրբեջանցուց ավելի լավն է, որ 30 արծաթով վաճառում է ազգությունը՝ սիրո խոստովանություններ անելով պուտինյան Ռուսաստանին։
Թեմայի շուրջ արդեն սկսվել են տարաբնույթ մեկնաբանություններ հայտնվել համացանցում՝ մի մասը համոզված է, որ Մարգարիտ Սիմոնյանը չի դավաճանի իրեն սնող և փայփայող հայրենիքը, մյուս մասն էլ պնդում է, որ Սիմոնյանը լուրջ մտորում է ընձեռված հնարավորության մասին, քանզի երբեք մի ասա երբեք. որքան էլ Ռուսաստանի դեպքում բացառվում են անակնկալ շրջադարձերը, բայց դե ով գիտի ինչքան կլռի ռուս ժողովուրդը։ Իսկ անկանխատեսելի շրջադարձերի դեպքում մշուշոտ է նաև «անաչառ» լրագրողի ճակատագիրը, որ վաղուց միանշանակ չի ընդունվում ռուս ժողովրդի կողմից։
Հատկանշական է, որ լրագրողուհին անորոշ ժամանակով հետաձգել է այն «հայտնի հայերի» անունների հրապարակումը, ովքեր ցանկություն էին հայտնել ստորագրել վերջինիս հայտարարության տակ։ Հնարավոր է, որ այդ «հայտնի հայերը» ադրբեջանցիների հայտարարության ֆոնին փորձում են հասկանալ՝ որտե՞ղ է հատվում բարոյալքման սահմանը…
Ամեն դեպքում պատգամավորների առաջարկը գայթակղիչ է, հատկապես երբ քաղաքացիության հետ մեկտեղ Սիմոնյանին կարող են նաև «հերոսացնել», ինչը շատ բնորոշ է Ադրբեջանի բռնապետությանը և հոգեհարազատ ծախու գրչակի արժեհամակարգին։
Քրիստինե Հովսեփյան
