Կառավարության նիստում, որպես տավուշյան մարտերում հաղթանակած կողմ, Փաշինյանը, ըստ էության, վերաձևակերպեց և ամրապնդեց նախկինում բարձրաձայնված՝ Ադրբեջանի հետ բանակցային գործընթացին վերադառնալու հայկական կողմի պայմանները․
- Արցախի Հանրապետությունը պետք է դառնա բանակցությունների լիարժեք կողմ։
- Ադրբեջանը պետք է հրապարակայնորեն հրաժարվի ուժի կիրառումից և վստահելի քայլեր կատարի հակահայկական հռետորաբանությունը դադարեցնելու ուղղությամբ։
- Կողմերի բանակցությունները պետք է լինեն իմաստալից։ Առանց որևէ սահմանափակման Արցախի ժողովրդի ինքնորոշման իրավունքի ճանաչումը, ՀՀ և Արցախի բնակչության անվտանգությունը չեն կարող զիճել որևէ պարագայում։
- Հակամարտության գոտում ապրող մարդկանց խնդիրները պետք է դառնան բանակցային օրակարգի առաջնային մաս։
- Անհրաժեշտ է ներդնել հրադադարի պահպանման արդյունավետ միջազգային մոնիթորինգ, որը լինի մշտական և ունենա ստուգողական մեխանիզմներ։
- Հակամարտության խաղաղ կարգավորման նպատակով Հայաստանը շարունակելու է աշխատել ԵԱՀԿ Մինսկի խմբի համանախագահների հետ։
Հրապարակված պահանջները հստակեցնում են, որ ՀՀ կառավարությունը վճռական է Արցախի և Հայաստանի անվտանգության ապահովման հարցում, հանդես է գալիս հաղթողի օրակարգով և իր պայմաններն է պարտադրում ադրբեջանական կողմին։ Վարչապետը հստակեցնում է, որ գրանցված հաղթանակը պետք է զարգացնել ամենօրյա ստեղծարար աշխատանքով, քանի որ «մեր հաղթանակը արդարության հաղթանակն է»։
Քրիստինե Հովսեփյան
