Ֆիրդուսի կառուցապատման նախագծում դրական փոփոխություններ են մտցվել (տեսանյութ)

Փոխվարչապետ Տիգրան Ավինյանի գրասենյակի ղեկավար Վարագ Սիսեռյանը ֆեյսբուքյան էջում գրառում է արել՝ տեղեկացնելով, որ մի շարք դրական փոփոխություններ էին մտցվել Ֆիրդուսի թաղամասի կառուցապատման նախագծում։

«Սիրելի՛ հայրենակիցներ, ինչպես հիշում եք, հայտարարել էինք, որ կառուցապատողների հետ բանակցությունների արդյունքում մի շարք դրական փոփոխություններ էին մտցվել Ֆիրդուսի թաղամասի կառուցապատման նախագծում։

Նշել էինք, որ Հանրապետության և Տիգրան Մեծ փողոցներին հարակից հուշարձանները պահպանվելու են իրենց տեղերում և վերարժևորվելու են շենքերի բակային ճակատները: Իսկ այս հուշարձան-շենքերին հաջորդելու են 2-4 հարկանի շենքեր՝ փայտե պատշգամբներով, ինչի արդյունքում տվյալ տարածքում ստեղծվելու է նոր, համահունչ զբոսաշրջային միջավայր: Տարածքը եզրագծվելու է 250 մ հետիոտնային ճանապարհով, որից այն կողմ արդեն կլինեն նորակառույց շենքերը:

Ձեր ուշադրությանն եմ ներկայացնում Ֆիրդուսի թաղամասի վերոնշյալ հատվածի եռաչափ մոդելի վերաբերյալ տեսանյութը։

Ուրախ եմ, որ մոտ ապագայում Երևանի կենտրոնում կունենանք նման գեղեցիկ ու հետաքրքրություն ներկայացնող միջավայր»,-գրել է Վարագ Սիսեռյանը։

https://www.facebook.com/sergevarak.sisserian.50/videos/163881501911891/UzpfSTE4MTE1MzI2Mzg6MTAyMTQzNTk0NjQ4NTk3NTc/?__tn__=%2CdC-R-R&eid=ARBRb2m2S8bD0dOp_jyl_Sipfa6EvT0692fy8XhgUnTfH2FVg6uNICHBptmET6ZGzOWpZG_shHWu5UzB&hc_ref=ARTVX9OG-Livw8qS_Pr2Gj1MOGWdtEPcHf76J3zmRtBs8RImjuNbvrQWAY_zgGPG2gg&fref=nf