Քիչ առաջ իրավապահներն ավարտեցին ժամեր տևած գործողությունները Հյուսիսային պողոտայում գտնվող M group շինարարական ընկերությունում:
«5 փաթեթ հաշվապահական բնօրինակ փաստաթղթեր առգրավեցին, տարան՝ այն դեպքում, երբ որ նման գործողություն կատարելու իրավասություն չունեին, քանի որ քրեական գործ հարուցելու մասին որևէ որոշում առկա չէր, որը պարտադիր էր դարձնում առգրավման և խուզարկության որոշումներն իրականացնելու հնարավորությունը»,-այս մասին իրավապահների հեռանալուց հետո լրագրողների հետ զրույցում հայտարարեց M group շինարարական ընկերության փաստաբանը: որ
Վերջինիս խոսքով՝ իրավապահները հրաժարվել են որևէ տեղեկություն և տվյալ տրամադրել իրենց կողմից ենթադրյալ հանցագործության դեպքի վերաբերյալ իրականացվող քննության մասին:
