«Նոր կորոնավիրուսի հետ կապված համաճարակային վիճակը ՀՀ-ում շարունակաբար թուլանում է, բայց, ըստ էության, բացարձակ թվերը՝ ամենօրյա մեր դեպքերի հայտնաբերման, շարունակում են բարձր մնալ, բայց հիմա մենք ունենք որոշակի վստահություն, որ հայտնաբերելիությունը դեպքերի բարձրացել է, որովհետև եթե նախկինում նոր դրական դեպքերը հասնում էին օրվա հետազոտությունների 25-30 տոկոսի մակարդակի, հիմա տատանվում են 15 տոկոսի սահմաններում, ինչ նշանակում է հայտնաբերելիության էական աճ ունենք»,- կառավարության նիստի ժամանակ հայտարարեց Նիկոլ Փաշինյանը՝ ընդգծելով՝ վերլուծությունները ցույց են տալիս, որ նման անկում կարողացել ենք արձանագրել հիմնականում դիմակի պարտադիր կրման կանոնը ներդնելու արդյունքում և շնորհիվ։
Ուստի կառավարության ուղերձը մնում է նույնը՝ հակահամաճարակային բոլոր կանոնները պետք է պահպանվեն, և Ոստիկանությունը պետք է նույն խստությամբ հետևի քաղաքացիների կողմից դիմակների պարտադիր կրմանը։
Նախարար Արսեն Թորոսյանը նույնպես հույս ունի, որ շուտով «կհասնենք օրվա դրական թեստերի նվազ 10 տոկոսի»։ Նա նշում է, որ ռազմավարությունը փոխվել է․«Հիմա վերցնում ենք ռիսկային փակ հաստատությունները՝ սուպերմարկետներ, բանկեր, թաղապետարաններ, եթե մեկ հոգու մոտ հայտնաբերում ենք, բոլոր աշխատակիցներին թեստավորում ենք»։
Քրիստինե Հովսեփյան
