ՀՀ երրորդ նախագահ Սերժ Սարգսյանի և մյուսների գործով դատական նիստը՝ նախագահությամբ դատավոր Վահե Միսակյանի, հետաձգվեց։ Նիստին չէին ներկայացել ամբաստանյալներ Սերժ Սարգսյանը և Գևորգ Հարությունյանը:
Սարգսյանի փաստաբան Ամրամ Մակինյանը դատարանին ուղղված դիմումի միջոցով հայտնել էր, որ հանձնել է կորոնավիրուսի թեստ և չի կարող ներկայանալ դատական նիստին: Դիմումի միջոցով փաստաբանը միջնորդել էր նաև հետաձգել դատական նիստը՝ նկատի ունենալով համավարակի աճի ցուցանիշները
Դատավորը նշեց, որ համաձայն չէ միջնորդության հետ, քանի որ համավարակի տեմպերը գնալով նվազում են: Միսակյանը անհարգելի համարեց Սերժ Սարգսյանի բացակայությունը և հետաձգեց դատական նիստը։
Հաջորդ նիստը կկայանա սեպտեմբերի 3-ին, ժամը15:00-ին:
