Մինսկում ձերբակալել են 3 լրագրողի

Մինսկում կալանավորվել են «Դոժդ» -ի թղթակիցներ Վլադիմիր Ռոմենսկին և Վասիլի Պոլոնսկին, ինչպես նաև օպերատոր Նիկոլայ Անտիպովը: Այս մասին հաղորդել է Nexta Live տելեգրամ ալիքը, որը հրապարակել է լրագրողների ձերբակալության տեսանյութը:

Տեսանյութում երևում է, թե ինչպես են քաղաքացիական հագուստով և դիմակներով մարդիկ լրագրողներին ասֆալտի վրա փռում և տանում անհայտ ուղղությամբ:

Չգրանցված թեկնածու Վիկտոր Բաբարիկոյի շտաբի ներկայացուցիչ, Սվետլանա Տիխանովսկայայի համախոհ Մարիա Կոլեսնիկովան հայտնել է, որ լրագրողները ձերբակալվել են այն բանից հետո, երբ նրանք փողոցում զրուցում էին իր հետ:

Նյութը՝ tvrain.ru, թարգմանություն՝ Կարեն Կոլոսով