Աշխատանքի և սոցիալական հարցերի նախարար Զարուհի Բաթոյանը ֆեյսբուքյան իր էջում գրել է.
Դիլիջանի սրտում այս տարի իր դռները կբացի Համալիր սոցիալական ծառայությունների գրասենյակը, որի հիմնանորոգումը կավարտվի ժամանակից շուտ (նախատեսված է 2021-ի հունվարին, բայց կավարտվի 2020-ի սեպտեմբերին): Քաղաքի կենտրոնում՝ նախկին քաղսովետի շենքում միասնական գրասենյակը ծառայություններ կմատուցի այն քաղաքացիներին, որոնք կդիմեն սոցիալական աջակցության, կենսաթոշակի, հաշմանդամության գնահատման, ինչպես նաև զբաղվածության հրցերով: Հիշեցնեմ, որ առայժմ այդ ծառայությունները մատուցվում են տարբեր գրասենյակների կողմից, գտնվում են ոչ միայն տարբեր հասցեներում, այլ նաև տարբեր գերատեսչությունների ենթակայությամբ: Դե իսկ նոր ստեղծվող Ինտեգրված սոցիալական ծառայությունների գրասենյակը այս կենտրոնում վերը թվարկած ծառայությունները կտրամադրի մեկ պատուհանի միջոցով:
