Արաբկիր վարչական շրջանի ղեկավարությունը ոստիկանության աջակցությամբ ապամոնտաժել է Կիևյան 1 հասցեում գտնվող շենքում ապօրինի կառուցված պատշգամբը:
Ըստ քաղաքապետարանի մամուլի խոսնակ Հակոբ Կարապետյանի՝ Կիևյան 1 հասցեի պատմաճարտարապետական հուշարձան շենքի բնակիչը մեկ գիշերվա մեջ պատշգամբ էր «հարմարեցրել»։
ԱԻՆ-ից տեղեկանում ենք, որ որ նույն ժամանակ ահազանգ է ստացվել, որ Կիևյան փողոցի թիվ 1 շենքի 2-րդ հարկի բնակարաններից մեկի բնակիչը խոչընդոտում է ապօրինի պատշգամբի ապամոնտաժման աշխատանքներին` սպառնալով երեխային ցած նետել պատշգամբից:
«Դեպքի վայր են մեկնել ԱԻՆ ՓԾ Հոգեբանական աջակցության բաժնի հերթապահ հոգեբանը և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ․ վերջինս, անհրաժեշտությունը վերանալու պատճառով, ետ է վերադարձել։ ԱԻՆ հոգեբանը դեպքի վայրում բնակչի հետ անցկացրել է հոգեբանական զրույց», – ասվում է ԱԻՆ հաղորդագրության մեջ։
Հուսով եմ, այս ահազանգի հետքով նաեւ իրավապահները կգնան,- գրել է Կարապետյանը:
