«ՀՀ ֆինանսների նախարարությունում ընդհանուր առմամբ իրականացված օպտիմալացման աշխատանքների արդյունքում 2018 թվականին տնտեսվել և ՀՀ պետական բյուջե է վերադարձվել 113 մլն 787,600 ՀՀ դրամ»,- նշված է նախարարության հանրային հաշվետվության մեջ։
- Անշարժ գույքի մասով. օպտիմալացման աշխատանքների արդյունքում, 2018 թվականին ազատվել են Տիգրան Մեծ 4 և Մազմանյան 3 հասցեներով տարածքները։
- Ավտոմեքենաների կրճատման մասով. 2018 թվականին նախարարության հաշվեկշռում հաշվառված 17 ավտոմեքենաներից 6-ը կրճատվել են, 3-ը՝ օտարվել, իսկ մյուս 3-ը, ՀՀ կառավարության որոշման համաձայն, հատկացվել են ՀՀ Սահմանադրական դատարանին։ Նախարարության ԱՖԾԿԿ պետական հիմնարկի գործունեության դադարեցումից հետո հիմնարկի 3 ավտոմեքենաները փոխանցվել են Ֆինանսների նախարարությանը (ավտոմեքենաների քանակը դարձել է 14)։
Վարչապետի 2019 թվականի փետրվարի 19-ի հանձնարարականի կատարման նպատակով, Ֆինանսների նախարարության 14 ավտոմեքենաներից 10-ի օտարման նպատակով պետական գույքի կառավարման կոմիտե էր ներկայացվել համապատասխան տվյալներ։ Այս 10 ավտոմեքենաներից 7-ը ՀՀ կառավարության 2019 թվականի հուլիսի 18-ի N 893 – Ա որոշման համաձայն, հետ են վերցվել և ամրացվել ՀՀ առողջապահական և աշխատանքի տեսչական մարմնին։ Օտարման ներկայացված մյուս 3 ավտոմեքենաներն ի պահ հանձնվել են պետական գույքի կառավարման կոմիտեին։
Ներկայումս շահագործվում են 4 ավտոմեքենաներ, որոնցից 1-ը՝ ՀՀ ֆինանսների նախարարի ծառայողական կարիքների համար, իսկ 3-ը որպես հերթապահ ավտոմեքենա։
Փաստացի 2018-2019 թվականերին ավտոմեքենաների թիվը կրճատվել է 13-ով, արդյունքում առաջացել է դրանց տարեկան պահպանման ծախսերի տնտեսում 15,600,000 դրամի չափով։
