Այս ամառ HBO-ն թողարկեց «Ես կանհետանամ մթում» վավերագրական սերիալը ՝ սերիական մարդասպան Ժոսեֆե Դեանջելոյի մասին, ով մարդկանց հետպնդում էր 1970-80 ական թվականներին։ Նրա զոհերը հիմնականում միայնակ կանայք էին։ Նա ներխուժում էր կանանց բնակարաններ, հարձակվում, բռնաբարում, այնուհետև սպանում նրանց։ Ընդհանուր առմամբ նա սպանել է 13 մարդու, բռնաբարել 50-ին և կատարել 100-ից ավելի կողոպուտներ։ Սերիալը նկարահանվել է քրեական լրագրող և դետեկտիվ Միշել Մաքնամարայի գրքի հիման վրա։ Վերջինիս ողբերգական մահը տեղի ունեցավ ՀԴԲ-ի կողմից գործի բացահայտումից երկու տարի առաջ։
«Այս գործի մեծ ողբերգությունն այն է, որ այն այդպես էլ լայն հանրությանը հայտնի չդարձավ», – ասում է Միշել Մակնամարան արխիվային կադրերում, որոնք «Ես կանհետանամ մթում» դոկումենտալ սերիալի մաս դարձան։ Մակնամարան քրեական լրագրող է և հանրաճանաչ «True Crime Diary» բլոգի հեղինակը, մարդ՝ ով իր կյանքի վերջին տարիները նվիրել է մարդասպանին բացահայտելուն ու նրա մասին մի քանի հոդված գրելուն : Նրա հետաքննության շնորհիվ ՀԴԲ-ին հաջողվեց բռնել հանցագործին ` լրագրողի մահից երկու տարի անց։ Միշելը մահացավ դեղամիջոցների պատահական չափից մեծ քանակություն ընդունելու արդյունքում և այդպես էլ չիմացավ այն անձի ինքնությունը, ում մի քանի տարի է որսում էր։
Մակնամարան գրքը սկսել էր գրել իր սեփական հետաքննությանը զուգահեռ, սակայն այն ավարտեց ամուսինը։
1974 – 1986 թվականների ընթացքում բռնի հանցագործության դեպքերը ցնցեցին Կալիֆորնիա նահանգի Վիսեյլի, Սակրամենտո և Սանտա Բարբարա քաղաքները. մի շարք կողոպուտներ, գողություններ, վանդալիզմ, բռնաբարություններ և սպանություններ։ Մարդիկ անհայտ հանցագործներին անուններ էին դրել՝ Արևելյան թաղամասի մանյակ, Գիշերային ստալկեր և այլն։
Միայն 2001 թվականին ԴՆԹ-ի թեստի արդյունքում պարզ դարձավ, որ Արևելյան թաղամասի մանյակն ու Գիշերային ստալկերն իրականում նույն անձն է։ Այն, որ այս հանցագործությունները կատարվել են մեկ անձի կողմից, իրոք ցնցող է ` հաշվի առնելով, որ իշխանությունները գրեթե 40 տարի փորձում էին պարզել մոլագարի ինքնությունը, որը 12 տարվա ընթացքում կատարել է առնվազն 13 սպանություն, ավելի քան 50 բռնաբարություն և 120 կողոպուտ։
2012-ին գրող Միշել Մաքնամարան սկսեց հետաքննել այս դեպքերը ՝ Լոս Անջելեսում մի շարք հոդվածներ հրապարակելով մի մարդու մասին, որին նա անվանել է «Ոսկե նահանգի մարդասպան», անուն, որը հետագայում լայնորեն տարածվելու էր: Նրա մանրամասն ռեպորտաժները տեղեկատվություն էին տարածում մարդասպանի մասին ու իրար հետ կապում տեղի ունեցած տարբեր միջադեպերը ՝ կատարված հանցագործությունների մեջ նմանություններ գտնելով։
Մաքնամարային հաջողվեց բավական փաստեր ու տեղեկություններ համադրել, ընդհուպ մինչև նկարագրելով մարդասպանի արտաքինը։ Ավաղ, 2016 թվականին նա մահացավ։
2018 թվականին «Ոսկե նահանգի մարդասպան»-ին գտան շնորհիվ ԴՆԹ տվյալների, որոնք տեղադրվում են GEDmatch կայքում։
Դեանջելոն Միացյալ Նահանգների նավատորմի 74-ամյա վետերան է, ով 1973-ից մինչև 1979 թվականը ծառայել է որպես ոստիկան։ Հենց այդ ժամանակ նա սկսել է իր հանցագործությունների առաջին շարքը `վանդալիզմը: Ձերբակալությունից հետո նա խորհրդավոր խոստովանություն արեց, ասելով, որ հանցագործությունները կատարվել են իր մեջ գտնվող Ջերի անունով ներքին անձնավորության պատճառով։
«Ես նրանից ազատվելու ուժ չունեի», – ասում է նա: – «Նա ինձ ստիպում էր։ Նա իմ գլխում էր, ես նկատի ունեմ, որ նա իմ մասն է: Ես չէի ուզում անել այս բոլոր սարսափելի բաները: Ես հեռացրի Ջերիին ու երջանիկ կյանք ապրեցի: Այո, ես եմ կատարել այս ամենը: Ես կործանել եմ այս մարդկանց կյանքերը, այնպես որ, հիմա ես պետք է պատասխան տամ»:
Մահապատժից խուսափելու համար նա համագործակցեց քննող մարմնի հետ ու 2020 թվականի հունիսի 29-ին իրեն մեղավոր ճանաչեց կատարած բոլոր հանցագործություններում։
HBO-ի սերիալը ներառում է հարցազրույցներ դեպքերը վերապրածների ու նրանց ընտանիքի անդամների հետ՝ ցույց տալու համար Ոսկե նահանգի մարդասպանի հասցրած վնասի չափը:
Նյութը՝ esquire.ru, թարգմանություն՝ Կարեն Կոլոսով
