Երևան քաղաքի կանաչապատումը և կանաչ տարածքների պահպանությունն ու խնամքն իրականացնում է Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ը։ Աշխատակիցներն ամենաօրյա մանրակրկիտաշխատանքով ցանում, ջրում, սրսկում, էտում, հնձում․․․ կարճ ասած՝ ստեղծում ու պահպանում են քաղաքի կանաչ հատվածը։
ՀՈԱԿ-ի կողմից հատկապես վերջին ամիսներին իրականացրած հսկայածավալ աշխատանքներից է մայրաքաղաքի կանաչ գոտիների ոռոգման համակարգի արդիականացումը, որի շնորհիվ կանաչ տարածքներն ավելացել են մի քանի անգամ։ ՀՈԱԿ-ի՝ նոր հիմնված ջերմոցատնկարանային տնտեսությունը նոր որակ է հաղորդել քաղաքի կանաչապատմանը․ մասնագիտական մոտեցման շնորհիվ Երևան քաղաքը շուտով կունենա քաղաքային կանաչապատման ուրույն ոճ և ձեռագիր։
Երևանի քաղաքապետարանն առաջին անգամ իրականացնելու է վերամշակվող աղբի տեսակավորում և հավաքագրում՝ վերամշակման հանձնելու նպատակով։ Այս աշխատանքներն իրականացնում է ՀՈԱԿ-ի՝ թափոնների վերամշակման վարչությունը։
