Շվեյցարիայում շոկոլադե անձրև է տեղացել

Շվեյցարիայի հյուսիսում գտնվող Օլտեն փոքր քաղաքում մի քանի օր անընդմեջ շագանակագույն փոշով անձրև էր գալիս, որը պարզվեց հրուշակեղենի արտադրամասից քշված կակաոյի մանրացված մասնիկներ էր:

Կակաոյի փոշին ծածկում էր գետինն ու մեքենաները: Պատասխանատբությունը ստանձնեց  շոկոլադի և հրուշակեղենի այլ ապրանքների արտադրությամբ զբաղվող Lindt & Sprüngli ընկերությունը։ Դրա ներկայացուցիչները բացատրեցին, որ գործարանում օդափոխության համակարգի խափանման պատճառով  փոշու մի մասը դրսում է հայտնվել, այնուհետև քամին այն տարածել է քաղաքով:

Ընկերությունից հայտնել են նաև, որ խնդիրն արդեն վերացվել է, և այն բնակչության համար վտանգ չի ներկայացնում: Ղեկավարությունը խոստացավ ընկերության հաշվին լվանալ բոլոր մեքենաները, որոնք ծածկվել էին շոկոլադով։

Նյութը՝ afisha.ru, թարգմանություն՝ Կարեն Կոլոսով