Թուրքիայի ժողովրդա-հանրապետական կուսակցության ներկայացուցիչ Էկրեմ Իմամօղլին հաղթել է Ստամբուլի քաղաքապետի կրկնակի ընտրություններում։ Նա հավաքել է քաղաքացիների ձայների ավելի քան 54 տոկոսը։ «Այս քաղաքում մենք ընդունելու և հարգանքով ենք վերաբերվելու հայերին, հույներին, ասորիներին և մնացած ազգությունների ներկայացուցիչներին։ Այս քաղաքում մենք կկառուցենք ժողովրդավարություն և կհաստատենք արդարություն», ասել է նա՝ ընտրություններում հաղթանակից անմիջապես հետո։
