Մեկ տարվա ընդմիջումից հետո Գրետա Թյունբերգը կվերադառնա դպրոց

17-ամյա շվեդ բնապահպան ակտիվիստ Գրետա Թյունբերգը որոշել է մեկ տարվա ընդմիջումից հետո վերադառնալ դպրոց: Այս մասին նա պատմել է սոցիալական ցանցերում:

«Իմ ակադեմիական արձակուրդն ավարտվեց, հրաշալի է նորից վերադառնալ դպրոց»: – գրել է Թյունբերգը Twitter- ում:

Այն մասին, որ Թյունբերգը ընդմիջում է վերցնում ուսման մեջ, հայտնի դարձավ 2019 թվականի հունիսին։ Էկո-ակտիվիստը որոշեց ընդհատել ուսումը կլիմայի պաշտպանության ոլորտում իր գործունեության համար:

Գրետա Թյունբերգը ողջ աշխարհով հայտնի դարձավ  2018 թվականին, երբ ակցիա իրականացրեց Շվեդիայի խորհրդարանի շենքի մոտ։ Նա հայտարարեց, որ հրաժարվում է ուրբաթ օրերին դպրոց գնալուց, մինչև որ իշխանությունները չկատարեն կլիմայի վերաբերյալ պայմանավորվածությունները։

2019-ին նմանատիպ երիտասարդական դասադուլներ տեղի ունեցան ամբողջ աշխարհում, իսկ Թյունբերգը ելույթ ունեցավ Նյու Յորքում կայացած ՄԱԿ-ի կլիմայի գագաթնաժողովում: 2019 թվականի դեկտեմբերին Time ամսագիրը նրան անվանեց Տարվա մարդ:

Նյութը՝ meduza.io, թարգմանություն՝ Կարեն Կոլոսով