17-ամյա շվեդ բնապահպան ակտիվիստ Գրետա Թյունբերգը որոշել է մեկ տարվա ընդմիջումից հետո վերադառնալ դպրոց: Այս մասին նա պատմել է սոցիալական ցանցերում:
«Իմ ակադեմիական արձակուրդն ավարտվեց, հրաշալի է նորից վերադառնալ դպրոց»: – գրել է Թյունբերգը Twitter- ում:
Այն մասին, որ Թյունբերգը ընդմիջում է վերցնում ուսման մեջ, հայտնի դարձավ 2019 թվականի հունիսին։ Էկո-ակտիվիստը որոշեց ընդհատել ուսումը կլիմայի պաշտպանության ոլորտում իր գործունեության համար:
My gap year from school is over, and it feels so great to finally be back in school again! pic.twitter.com/EKDzzOnwaI
— Greta Thunberg (@GretaThunberg) August 24, 2020
Գրետա Թյունբերգը ողջ աշխարհով հայտնի դարձավ 2018 թվականին, երբ ակցիա իրականացրեց Շվեդիայի խորհրդարանի շենքի մոտ։ Նա հայտարարեց, որ հրաժարվում է ուրբաթ օրերին դպրոց գնալուց, մինչև որ իշխանությունները չկատարեն կլիմայի վերաբերյալ պայմանավորվածությունները։
2019-ին նմանատիպ երիտասարդական դասադուլներ տեղի ունեցան ամբողջ աշխարհում, իսկ Թյունբերգը ելույթ ունեցավ Նյու Յորքում կայացած ՄԱԿ-ի կլիմայի գագաթնաժողովում: 2019 թվականի դեկտեմբերին Time ամսագիրը նրան անվանեց Տարվա մարդ:
Նյութը՝ meduza.io, թարգմանություն՝ Կարեն Կոլոսով
