Բեռլինի կինոփառատոնը 2021 թվականից սկսած լավագույն դերասանուհի և լավագույն դերասան մրցանակների փոխարեն կհանձնի «Արծաթե արջ»՝ լավագույն գլխավոր դերակատարման համար և «Արծաթե արջ»՝ երկրորդ պլանի լավագույն դերակատարման համար։ Այս մասին տեղեկանում ենք փառատոնի կայքից։
«Մենք կարծում ենք, որ մրցանակների սեռային բաժանման չեղարկումը գենդերային փոխըմբռնման ազդանշան է կինոարտադրության մեջ», – ասում են Բեռլինալեի ղեկավարներ Մարիետ Ռիսենբեկը և Կառլո Շատրիանը։
2021 թ. փառատոնը կանցկացվի սովորական ձևաչափով (2020-ին ՝ COVID-19 համաճարակի պատճառով, ամբողջ աշխարհում երաժշտական և կինոփառատոնները չեղարկվել կամ տեղափոխվել են առցանց հարթակ): «Փառատոնը կանցկացվի այդ պահին գործող կանոնների համաձայն: Դա կապահովի բոլոր հյուրերի անվտանգությունը», – նշում են կազմակերպիչները:
Բեռլինալեն կներկայացնի մրցանակներ ութ անվանակարգերում: Լավագույն գլխավոր և երկրորդ պլանի դերակատարումներից բացի, մրցանակներ կտրվեն «Լավագույն կինոնկար», «Լավագույն սցենար», «Լավագույն ռեժիսոր», «Փառատոնի ժյուրիի Գրան պրի» և «Ժյուրիի մրցանակ» անվանակարգերում, ինչպես նաև հատուկ մրցանակ ՝ կինոյում ակնառու նվաճումների համար:
Նյութը՝ meduza.io, թարգմանություն՝ Կարեն Կոլոսով
