SpaceX-ի նախկին աշխատակցուհին դատական հայց է ներկայացրել ընկերության դեմ և խոսել ճնշումների մասին

SpaceX- ում փորձաշրջան անցած  Ջուլիա Քրոուլիֆարենգան դատական ​​հայց է ներկայացրել ընդդեմ Իլոն Մասքի ընկերության: Նրա կարծիքով ՝ ընկերությունը իրեն աշխատանքի չի ընդունել (չնայած երկար և, ըստ նրա, հաջող պրակտիկային), այն պատճառով, որ նա դժգոհել է իրենց աշխատողներից մեկի կողմից իրականացվող ոտնձգություններից: Այս մասին հայտնում է Business Insider-ը:

Քրոուլիֆարենգան փորձաշրջան է անցկացրել 2015, 2016, 2017 թվականների ամռանը՝ միևնույն մենեջերի ղեկավարության ներքո։ Ըստ աղջկա ՝ այդ մենեջերը իրեն թույլ է տվել ոչ պատշաճ մեկնաբանություններ, օգտվել է բարձր դիրքից և առանձնացրել է իրեն ըստ սեռի, ինչի արդյունքում նա զգացել է անհանգստություն, անհարմարություն և արդյունքում կորցրել աշխատանք ստանալու հնարավորությունը:

Քրոուլիֆարենգան նշել է, որ մենեջերը իր հետ աշխատանքային հանդիպումներն անցկացրել է  մեկուկես-երկու ժամ, չնայած արական սեռի ներկայացուցիչ ստաժորների հետ հանդիպումները տևել են միջինը 30 րոպե: «Ես կարող էի իմ կյանքի մնացած մասն անցկացնել ՝ փորձելով քեզ հասկանալ», – մեջբերում է մենեջերի խոսքերը։

Աղջիկը բողոքել է այդ մասին կադրերի բաժին։ Նա նաև հանդիպել է SpaceX-ի փոխնախագահներից մեկի հետ։ Նրանք չեն արդարացրել մենեջերի պահվածքը և խոստացել են խոսել վերջինիս հետ։ Սակայն արդյունքում 3 տարիների ընթացքում գրանցած դրական փորձաշրջանից հետո, Ջուլիային չեն վերցրել աշխատանքի։ Դատական հայցով նա փոխհատուցում է պահանջում է ընկերությունից։