Սանկտ Պետերբուրգի Նեվսկու շրջանի վարչակազմը տեղական դպրոցների ուսուցիչներից պահանջել է աշակերտների սոցիալական ցանցերում ԼԳԲՏ խորհրդանիշներ փնտրել, որպեսզի ՆԳՆ փոխանցեն երեխաների կողմից «ոչ ավանդական հարաբերությունների քարոզի մասին» օրենքի խախտումների վերաբերյալ տվյալները:
Հրահանգը տրվել է դեռ գարնանը, այդ մասին հայտնի է դարձել դպրոցի ուսուցիչների նամակագրության սքրինշոթից: Դպրոցներին ուղղված նամակում, իբր, վարչակազմը նշել է, որ իշխանություններն առաջնորդվում են երեխայի շահերով, ՄԱԿ-ի «Երեխաների իրավունքների մասին» կոնվենցիայով և «Ռուսաստանում երեխաների իրավունքների հիմնական երաշխիքների մասին» օրենքով։ Նեվսկի շրջանի ղեկավարությունը ԼԳԲՏ ցանցի նախագահ Միխայիլ Թումասովին հաստատել է, որ ուսուցիչները տեղեկատվություն են հավաքում:
Անցյալ տարվա սեպտեմբերին Ուրալի պետական տնտեսագիտական համալսարանի ռեկտորը հաստատեց, որ համալսարանի ղեկավարությունը վերահսկում է ուսանողների սոցիալական ցանցերի էջերը։
«Նման դիտարկումն անօրինական է: Կրթական կազմակերպությունները իրավասություն չունեն նյութեր հավաքել վարչական իրավախախտումների դեպքերի վերաբերյալ, իսկ ուսուցիչները `իրենց աշխատանքային պայմանագրերով, սոցիալական ցանցերը վերահսկելու պարտականություն չունեն», – նշում է ԼԳԲՏ ցանցը:
Նյութը՝ snob.ru, թարգմանություն՝ Կարեն Կոլոսով