Թուրքիան կորոնավիրուսի դեպքերի թվի աճի պատճառով վերադարձել է դիմակային ռեժիմին

Թուրքիան խստացնում է միջոցառումները` կանխելու Covid-19- ի տարածումը: Դա պայմանավորված է կորոնավիրուսի դեպքերի նոր աճով: 2020 թ. սեպտեմբերի 8-ին երկրում արձանագրվել է վարակված 1761 մարդ, ինչը գերազանցում է մայիսի սկզբին գրանցված աճը, երբ հիվանդության առաջին ալիքը Թուրքիայում սկսեց անկում ապրել:

Այսպիսով, երկիրը կրկին վերադառնում է հասարակական վայրերում պարտադիր դիմակային ռեժիմին՝  այդ թվում ՝ լողափերում (բացառությամբ հյուրանոցային լողափերի): Գիշերային համերգները հյուրանոցներում և ժամանցի վայրերում արգելվում են: Հասարակական տրանսպորտը կարող է օգտագործվել միայն այն ժամանակ, երբ հնարավոր է պահպանել սոցիալական հեռավորությունը: Կանոնների խախտումն առաջացնում է վարչական պատասխանատվություն։

«Մենք ցավով ենք հետևում, թե որքան վատ են պահպանվում անվտանգության կանոնները հանգստի ու զվարճանքի վայրերում, շուկաներում և միջոցառումների ժամանակ», – նշել է Թուրքիայի առողջապահության նախարար Ֆահրեթին Քոջան:

Նյութը՝ esquire.ru, թարգմանություն՝ Կարեն Կոլոսով