Բրիտանական BBC-ի հաղորդմամբ՝ Սան Ֆրանցիսկոն դարձավ ամերիկյան առաջին քաղաքը, որտեղ արգելվում է ցանկացած տիպի էլեկտրոնային սիգարետների վաճառքը: Արգելքը տարածվում է նաև ինտերնետ-խանութների վրա: Որոշումը կայացվել է քաղաքային իշխանությունների կողմից, որին աջակցել է անձամբ քաղաքապետը: Վերջինս հայտարարել է, որ այս արգելքի միջոցով քաղաքային իշխանությունները հոգ են տանում երիտասարդների և ապագա սերունդների առողջության նկատմամբ: