Թիվ 1 Ստուդիայի տաղավարում հյուրընկալել ենք ԱԺ «Իմ քայլը» խմբակցության պատգամավոր Սիփան Փաշինյանին: Վերջինիս հետ զրուցել ենք տավուշյան ռազմական գործողություններից (մարտական գործողությունների գրեթե ողջ ընթացքում պատգամավորը գտնվում էր սահմանամերձ գյուղերում), ապագայի ծրագրերից և այլն:
-Այդ օրերին գյուղացու կողքին գտնվելն աննկարագրելի զգացողություններ էր պարգևում, – նշում է Փաշինյանը՝ հավելելով, որ ռազմական գործողությունների ընթացքում իրականացրել են մի շարք աշխատանքներ, որոնք հրապարակման ենթական չեն, բայց և ներկայում էլ իրագործվում են նոր ծրագրեր, մասնավորապես Ադրբեջանի ուղիղ նշանառության տակ գտնվող Չինարի գյուղում 25 հա թուզի ինտենսիվ այգի է հիմնվում, Դովեղում վերակառուցվում է գյուղի պոմպակայանը, ինչը մոտ 37 հա այգիների ոռոգման հարց կլուծի և այլն:
Խոսելով սահմանամերձ համայնքների օժանդակության ծրագրերից՝ պատգամավորը նշում է, որ նախկինում բարերարների ներդրումները չէին հասնում հանրությանը, իսկ այժմ ամեն ինչ արվում է բաց և թափանցիկ:
Անդրադառնալով իր անվան շուրջ անդադար հյուսվող պատմություններին՝ ստվերային օժանդակություններ, տարատեսակ բիզնեսներ, Փաշինյանը նշում է.
– Իմ անվան հետ կապված բոլոր տեղեկությունները, կապված բիզնես-ներգրավվածությունների հետ, ցածրամակարդակ և կեղծ լուրեր են:
Մանրամասները՝ տեսանյութում:
