Քիմ Քարդաշյանը, Լեոնարդո ԴիԿապրիոն և այլ հայտնիներ 24 ժամով ջնջվել էին instagram-ից
Kim Kardashian West arrives at the Vanity Fair Oscar Party on Sunday, Feb. 9, 2020, in Beverly Hills, Calif. (Photo by Evan Agostini/Invision/AP)
Չորեքշաբթի աշխարհի հայտնի մարդիկ «սառեցրել» էին իրենց հաշիվները Facebook և Instagram հարթակներում ՝ որպես գովազդային բոյկոտի մաս, որը հայտարարվել է Facebook ընկերությանը «ատելություն, բռնություն և ռասիզմ պարունակող գրառումների համար»:
Ավելի վաղ «Գունավոր մարդկանց առաջընթացի ազգային ասոցիացիան» (NAACP), Color of Change քաղաքացիական իրավունքների պաշտպանության կազմակերպությունը և այլ իրավապաշտպաններ կոչ են արել դադարեցնել Facebook-ում գովազդ տեղադրելը, որպեսզի հայտնեն իրենց բողոքը։ North Face, Coca-Cola, PepsiCo, Unilever, Starbucks, Volkswagen և SAP ընկերություններն արդեն հայտարարել են, որ գովազդ չեն տեղադրի Facebook-ում, իսկ նրանցից որոշները՝ նաև այլ սոցցանցերում: Շարժմանը միացած ընկերությունների ընդհանուր թիվը հուլիսին գերազանցել է 1000-ը։ Ավելի ուշ ընկերությունների մեծ մասը որոշում է կայացրել դադարեցնել ակցիան։
Ակցիային միացած հայտնի անձանց թվում են՝ դերասաններ Լեոնարդո ԴիԿապրիոն, Էշթոն Քաթչերը, երգչուհի Քեթի Փերին, մոդել Նաոմի Քեմփբելը, դերասանուհիներ Քեյթ Հադսոնը, Սառա Սիլվերմանը, բլոգեր Քիմ Քարդաշյանը:
«Ես օգտվում եմ Instagram-ից ու Facebook-ից, բայց ուզում եմ, որ դրանք դրական ազդեցություն ունենան, ոչ թե լինեն հարթակ՝ ատելության, բռնության և ապատեղեկատվության համար: Խնդրում եմ, միացեք ինձ՝ 24 ժամվա ընթացքում ոչինչ մի հրապարակեք»,- Instagram-ում հայտարարել է Լեոնարդո ԴիԿապրիոն։
«Ես ուրախ եմ, որ կարող եմ անմիջապես ձեզ հետ կապվել Instagram-ի և Facebook-ի միջոցով։ Ես չեմ կարող ձեռքերս ծալած նստել և լռել, քանի դեռ այդ հարթակները շարունակում են թույլ տալ ատելություն, քարոզչություն և ապատեղեկատվություն տարածել, որոնք ստեղծված են՝ պառակտելու Ամերիկան։ Սոցիալական ցանցերում տարածվող ապատեղեկատվությունը լուրջ ազդեցություն է ունենում ընտրությունների վրա և խաթարում է մեր ժողովրդավարությունը։ Խնդրում եմ միանալ ինձ»,- գրել է Քարդաշյանը։
Նման գրառումները աշխարհով մեկ միավորվել են հետևյալ հեշթեգների ներքո՝ #StopHateforProfit և #Instafreeze։
Քիմ Քարդաշյանն այսօր ինչպես և խոստացել էր արդեն վերականգնել է էջը, նա լուսանկար է հրապարակել ու ողջունել։
Recent Posts
ԱՄՆ-ն ու ՌԴ-ն համեմատելիս պետք է հրաժարվենք էմոցիաներից ու գնահատենք չափելի ցուցանիշները
«Հանուն հանրապետության» կուսակցության նախագահ Արման Բաբաջանյանը գրել է. ԱՄՆ-ն ու Ռուսաստանը համեմատելիս պետք է հրաժարվենք…
«Խաղաղության օրակարգը Վենսի այցի կենտրոնում»
Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․ Վենսի…
Մինչև 2046թ. ատոմակայանի վերաբերյալ պետք է կայացվեն որոշումներ. վարչապետ
ՀՀ վարչապետ Նիկոլ Փաշինյանն անդրադարձել է Մեծամորի ատոմակայանի գործունեության ժամկետներին։ «Մենք գտնվում ենք Մեծամորի ատոմակայանի…
Ռուսաստանից Ադրբեջանի տարածքով Հայաստան հացահատիկի մատակարարումները կանոնավոր են դարձել
Ռուսական հացահատիկի մատակարարումները Հայաստան «Ռուսական երկաթուղիներ» ընկերության ենթակառուցվածքների միջոցով դարձել են կանոնավոր։ Այս մասին հայտարարել…
Նարեկ Կարապետյանը սխալ է․ ԱՄՆ փոխնախագահին Ծիծեռնակաբերդի հուշահամալիր ուղեկցել է ԿԳՄՍ նախարարը
«Մեր ձևով» շարժման համակարգող Նարեկ Կարապետյանն իր ֆեյսբուքյան էջում գրել է, թե «ՀՀ ոչ մի…
Նախորդ տարվա ընթացքում ՀԱԷԿ-ում արտադրվել է 2915 մլն կՎտժ էլեկտրաէներգիա
Հայկական ատոմային էլեկտրակայանում ամփոփվել են տարեկան տվյալները՝ 2025 թվականին արտադրված և առաքված էլեկտրաէներգիայի վերաբերյալ: Ըստ…