Խնդրում եմ, տարածեք այս լուրը․ Արցախի հայերը հարձակման են ենթարկվել․ իր միլիոնավոր հետևորդներին է դիմել Քիմ Քարդաշյանը։
«Մենք աղոթում ենք Արցախի հայորդիների ու հայուհիների համար։
Լուրերն ապակողմնորոշում են, թե «բախումներ» են տեղի ունենում, մինչդեռ Հայաստանն Ադրբեջանի չհայտարարված հարձակման և ապատեղեկատվության կանխատեսելի քարոզչության զոհն է։
Ադրբեջանը փակել է սոցիալական մեդիան երկրի ներսում․ այն գործում է միայն պատերազմական քարոզչության համար։
Մենք միջազգային դիտորդների կարիք ունենք, որ կհետաքննեն եւ միջազգային քաղաքական եւ դիվանագիտական չափանիշներին համապատասխան կկանխարգելեն պատերազմի հետագա սանձազերծումը եւ ողբերգությունը։ Խնդրում եմ օգտագործեք anca.org/alert-ը՝ Արցախի վրա Ադրբեջանի հարձակման մասին Սպիտակ Տանն ու Կոնգրեսին իրազեկելու, կոչ անելու Բաքվին դադարեցնել հարձակողական բոլոր գործողությունները, որ դադարեցվի Ադրբեջանին հատկացվող ԱՄՆ-ի ողջ ռազմական օժանդակությունը, որ օգտագործվում է Հայաստանի դեմ, եւ զգուշացնելու համար Թուրքիային, որ դադարի զինվորներ ուղարկել Բաքու»,-գրել է Քիմ Քարդաշյանը։
