«30 տարի անց Հրազդան մարզադաշտում»․ Հարութ Փամբուկչյան

Հունիսի 30-ին, ժամը 19:00-ին Հրազդան մարզադաշտում, տեղի կունենա ՀՀ վաստակավոր արտիստ Հարութ Փամբուկչյանի՝ Ձախ Հարութի բացառիկ համերգը: Թե՛ արտիստը և թե՛ նրա թիմը մեծ պատասխանատվությամբ են պատրաստվում այս բացառիկ իրադարձությանը:
«Ձախ Հարութն արդեն երկու ամիս է՝ Հայաստանում է, և մեր ամբողջ թիմի հետ հավասար մասնակցում բոլոր կազմակերպչական աշխատանքներին: Տրամադրված է մարտական և իր խոսքով ասած՝ խաչը կհանի, կբարձրանա բեմ և նորից կկերտի մի գեղեցիկ երաժշտական պատմություն: Մենք, գուցե, այս ամենին սովորական ձևով ենք նայում՝ որպես հերթական աշխատանք, բայց կարծում եմ, որ կերտում ենք մի գեղեցիկ երաժշտական պատմություն», հարցազրույցներից մեկում ասել է միջոցառման կազմակերպիչ «Yeghoyan Production»-ի ղեկավար, արտիստի ընկեր Խաչիկ Եղոյանը։