«Մենք «Ֆեյսբուքի» գերին ենք». Արսեն Թորոսյանը խոստովանեց, թե ինչից է վախենում

«Եկավ պահ, երբ հասկացա, որ «Ֆեյսբուքով» ասելիքս միայն ընկերներիս չպետք է տեղ հասցնեմ: 2015թ.-ի նոյեմբերին բացել եմ «ֆեյսբուքյան» public էջս, այդ ժամանակ դեռ նախարար չէի, հանրային դեմք չէի, բայց բժիշկ էի՝ ԲԿ էի ղեկավարում, եւ ուզում էի ասելիքս, հիմնականում՝ քննադատական, տեղ հասցնել իշխանությանը: Այդպես սկսեցի հավաքել հետեւորդներ՝ դաշտս ավելացնելու նպատակով»,-«Թվապատում 2019» մեդիա-համաժողովի ժամանակ այսօր հայտարարեց որպես բանախոս հրավիրված ՀՀ Առողջապահության նախարար Արսեն Թորոսյանը:
«Երբեմն մոտս վախ է առաջանում՝ ի՞նչ է լինելու, եթե մի օր հանկարծ «Ֆեյսբուքը» չաշխատի: Ո՞նց ենք բացը լրացնելու այդ միջոցներով: Այդ վախն ինձ անհանգստացնում է այն առումով, որ մի օր իրոք կարող ենք կանգնել կոտրած տաշտակի առաջ: Մենք «Ֆեյսբուքի» գերին ենք, նա չպետք է մեզ այդքան գերի»:

Նյութը՝ aravot.am